120. Enyi Wanadamu (Souls of men, why will ye scatter?)

120. Enyi Wanadamu (Souls of men, why will ye scatter?)

 

1.   

Enyi wanadamu mbona

Sana mwatanga-tanga,

Kama kondoo wanyonge,

Wasio na mchunga?

Yuko mchunga mmoja

Mwenye mapenzi mema;

Haya kutaneni kwake,

Atawachunga vyema.

 

2.   

Mungu tunamwona kuwa

Mwenye uwezo wote;

Na nguvu zake zapita

Mawazo yetu yote:

Ni Baba,mapenzi yake

Ni makubwa hakika;

Hatuwezi kuyajua,

Na hayana mpaka.

 

3.   

Rehema za Mungu nazo

Zina upana sana;

Kama huo wa bahari,

Mwisho wake hapana;

Haki yake ina mema,

Kwa hayo twashukuru,

Kwetu uko msamaha,

Furaha na uhuru.

 

4.   

Mapenzi yake mapana,

Sisi hatuna cheo

Cha kutosha, nao moyo

Una wema upeo;

Ukombozi mwingi mno

Katika damu yake;

Sote twapata furaha,

Kwa maumivu yake.

 

5.   

Yesu mkaribieni

Njoni msife myoyo;

Njoni kwake kwa imani,

Mema yake ni hayo;

Heri tuwe kama wana

Tushike neno lake,

Daima atatujaza

Tele furaha yake.

Comments

Post a Comment

Popular posts from this blog

101. Twonane Milele (In the sweet by-and-by)

101. Twonane Milele (In the sweet by-and-by)   1.     Nyimbo na tuziimbe tena Za alivyotupenda mbele; Kwa damu ya thamani sana! Mbinguni twonane milele.   Twonane milele, Twonane bandarini kule; Twonane milele, Twonane bandarini kule.   2.     Hupozwa kila aoshwaye, Kwa damu ya Kondoo yule; Ataishi afurahiye Vya Yesu mbinguni milele.   3.     Hata sasa hufurahia Tamu yake mapenzi yale, Je, kwake tukifikilia, Kutofarakana milele?   4.     Twende mbele kwa jina lake, Hata aje mwokozi yule, Atatukaribisha kwake, Tutawale naye milele.   5.     Sauti zetu tuinue Kumsifu Mwokozi yule, Ili watu wote wajue Wokovu u kwake milele.
Read more

102. Kazi Yangu Ikiisha (When my life work is ended)

  102. Kazi Yangu Ikiisha (When my life work is ended)   1.     Kazi yangu ikiisha, nami nikiokoka; Na kuvaa kutokuharibika, Nitamjua Mwokozi nifikapo ng’amboni; Atakuwa wa kwanza kunilaki.   Nitamjua, nitamjua, nikimwona uso kwa uso; Nitamjua, nitamjua, kwa alama za misumari.   2.     Furaha nitapata nikiona makao Bwana aliyotuandalia; Nitamsifu mwokozi kwa rehema na pendo Vilivyonipa pahali Mbinguni.   3.     Nao waliokufa katika Bwana Yesu, Nitawaona tena huko juu; Lakini nifikapo kwake huko Mbinguni, Nataka kumwona Mwokozi kwanza.   4.     Milangoni mwa mji Bwana atanipisha, Pasipo machozi wala huzuni. Nitauimba wimbo wa milele; lakini Nataka kumwona Mwokozi kwanza.
Read more

104. Twasoma ni Njema Sana (There is a better world they say)

104. Twasoma ni Njema Sana (There is a better world they say)    1.     Twasoma, ni njema sana Mbinguni, kwa Bwana; Twasoma, dhambi hapana, Mbinguni kwa Bwana; Malaika wema wako, Vinanda vizuri viko, Na majumba tele yako, Mbinguni kwa Bwana.   2.     Siku zote ni mchana, Ni nchi ya raha; Wala machozi hapana, Ni nchi ya raha; Walioko wauona Uso wa Mwokozi, tena Jua jingine hapana, Ni nchi ya raha.   3.     Nyama na vitu viovu Havimo kabisa; Kifo nacho, na ubovu, Havimo kabisa. Ni watakatifu wote, Wameoshwa dhambi zote; Wasiosafiwa wote Hawamo kabisa.   4.     Tuna dhambi, pia sote, Mwokozi akafa; Kwake tutaoshwa zote, Mwokozi akafa; Kwake twapata wokovu, Tutawona utukufu; Mbinguni tutamsifu; Mwokozi akafa.   5.     Baba, mama, ndugu zetu, Twendeni kwa Bwana; Huku chini sio kwetu, Twendeni kwa Bwana; Tusishikwe na dunia, Na dhambi kutulemea; Tutupe vya chini pia, ...
Read more